Mostra do Posible

Esta fin de semana celébrase en Cangas a Mostra do Posible, un encontro aberto que reúne a persoas involucradas nos movementos sociais galegos, empresas da economía solidaria e entidades cooperativas comprometidas co medio ambiente, coa democracia e a equidade. A temática que percorre esta edición é o desafío dunha transición xusta ás enerxías renovables. Mención especial merece o posto do Mercado Social Galego no que atoparanse solucións de consumo consciente en ámbitos como a enerxía, a telefonía, a banca ou os seguros.

Durante o sábado 25 e o domingo 26, na alameda de Cangas, terán lugar charlas, obradoiros, presentacións e actuacións culturais, así como unha Feira de produtos ecolóxicos e artesanos. O evento é gratuíto e aberto ao público.

PROGRAMA

Sábado

• 11h: Charla ‘Enerxía e economía solidaria’
• 11.30h: Charla obradoiro ‘Reciclado e reutilización de equipos informáticos con software libre’
• 12h: Teatro infantil ‘Tilintilonia’
• 12.30h: SeSON Vermú ‘A lo cubano’
• 16h: Charla ‘Tecendo redes. Ecoloxismo e economía solidaria’
• 17h: Presentación ‘Comando Igualdade’ con Priscila Retamozo
• 17.30h: Charlando con Fiare Banca Ética
• 18h: Charla ‘Ameaza eólica en Galicia’
• 19h: Obradoiro ‘O Círculo da ESS’
• 20.30h: Visualización ‘Tameiga 4 anos de resistencia veciñal’

Domingo

• 11h: Presentación de Colonias Canguesas e Galgos 112
• 12h: Obradoiro ‘Escritura e autocoidado’
• 12h: SeSON Vermú ‘Dous’
• 16h: Charla ‘Decremento. Construíndo alternativa’
• 16.30h: Obradoiro infantil ‘O xogo das Pingas’
• 18h: Charla ‘ O impacto da horta sostible na intervención social’
• 19h: Concerto de Su Garrido Pombo