Mistura Vocal: A historia da luz

O coro Mistura Vocal, dirixido pola tudense Aloia Martínez Molina, ofrecerá o domingo día 12 ás 19:00 na Capela das Hermanas Trinitarias de Vigo o seu concerto de Nadal, titulado A historia da Luz. Neste espectáculo, que terá como protagonista principal á Luz, o coro ofrecerá unha viaxe ao longo da música vocal de autores e obras de diversos estilos e épocas.

A entrada ao concerto será de balde ata completar o espazo, polo que haberá que agardar no exterior da igrexa, que abrirá as súas portas ás 18:30.