Chega a primeira xornada de Microescena Lab, un espazo para a experimentación escénica onde poder ser testemuña do proceso creativo de distintas propostas de artes vivas. Microescena Lab consiste nun itinerario onde o público, dividido en catro equipos, transitará a través das catro pezas breves que ocuparán os distintos espazos que ofrece a propia arquitectura da Morada, onde todo é susceptíbel de convertirse en escenario.

Unha experiencia de creatividade e aprendizaxe, onde a comunicación entre público e creadoras acontece a través do non convencional, do ensaio e erro, da exploración.

Nesta primeira xornada do 17 de marzo ás 20:30h, poderemos asistir ás propostas de Eva Comesaña, Lúa Pagán e Raquel Rollos, Lapuesta/Vanessa Lozano, Ío Blanco e Noa López .

Organizado por Constance Hurlé e Isolda Comesaña.