Mayeusis abraza Vigo cun novo ciclo de concertos na rúa

Tras adialo por mor da chuvia, volve o proxecto Abraza Vigo, de Mayeusis, o sábado 14 de setembro ás 19:30.

Despois do ciclo Conexións, o Conservatorio Mayeusis repite a fórmula de encher Vigo de música gratuíta. Esta vez a proposta inclúe 16 concertos simultáneos en 16 rúas da cidade, desde a Guía ata Castrelos e Samil. Os recitais, gratuítos, serán de estilos variados, con predominancia da música jazz, e interpretados por músicos galegos, tanto profesionais como estudantes.

As localizacións son Capela da Guía, Praza de Compostela, Ronda de Don Bosco, el baluarte do Castro, Praza do Emigrante, Villa Solita, Príncipe, fronte ao MARCO, Porta do Sol, pista de patinaxe de Samil, Paseo de Bouzas, Pazo de Castrelos, Atrio da Colexiata, Rúa Rosalía con Miragaia, Mercado de Teis, Mercado do Calvario e igrexa do Sagrado Corazón (Rosalía de Castro).