Lonxa fronte ao Tamberlick

Lonxa fronte ao Tamberlick é un evento no que conflúen a gastronomía, a arte, a artesanía, o deseño e a música, organizado por La Contenedora. Queren rendir homenaxe ao seu veciño de fachada, o que fora o cine circo Tamberlick, a primeira sala na que se proxectou unha película na cidade.

Farase un encontro mensual. Un pequeno mercado diurno que terá lugar o primeiro sábado de cada mes. O sábado 3 de decembro é a segunda Lonxa, que comezará ás 12:30h ata as 17:30h. e participarán cos seus postos oito artistas, marcas de artesanía ou deseñadores de diferentes disciplinas. Amenizará o dj Repunante e gozaremos dos pratos de Vionkas Bake.