Loiros

En outubro de 2023, despois dun longo proceso de composición, gravación e deseño que se dilatou durante tres anos, Loiros rematan a edición do segundo LP, titulado Back from the Edge. Nel inclúense seis novas cancións orixinais do grupo, coidadosamente compostas, executadas e gravadas, na que atopamos unha inusual mestura de xéneros que cristaliza nun son e nunha estética moi definidos e persoais.

Baixo un certo enfoque jazzístico, a banda aglutina influencias do rock progresivo, o shoegaze, o grunge e o post rock, creando unha paisaxe sonora única na que o ouvinte pasa por diferentes estados emocionais. Sorprende o seu son cru, en contraste cos coidadísimos arranxos, a fina execución e o mimo no tratamento das melodías vocais, cuxas harmonías
fan de fío conductor ó longo de todo o disco.

DOMINGO 24 NOV. A CASA DE ARRIBA (VIGO)
Concerto Acústico
20 h.
Entrada Única: 10€

Reservas nominais no IG de A Casa de Arriba