Leira Papaia

Leira Papaia, como o seu nome ben indica, é unha mistura altamente orixinal das cantigas galegas coas cancións dos boleros e os estilos tropicais dos “arredores”. O trío formado por violín, guitarra e contrabaixo, explora dende a sonoridade acústica do instrumental e as voces, todas as posibles músicas que xurdiron tanto na Galiza como no exilio dos “gallegos”. Unha proposta que actualiza tanto o folklore patrio coma os boleros ou a música do exilio. Leira, raíz, bolero, Papaia, música intimista e altamente extrovertida, danzas, bailes. Vas quedar cun sorriso nos beizos e nas pernas. Inda que a formación do grupo é recente (mediados do 2021), os seus membros contan con ampla experiencia en grupos coma Trilitrate, Cró!, O.M.E.GA, METAMOVIDA entre outros e na súa curta vida xa participou con éxito en ciclos como o “PORTAS DO CAMIÑO” dentro do XACOBEO 2021 ou “MÚSICA EN SALAS” da Xunta de Galicia.