La buena vida

O domingo 23 de outubro, Leyenda Burger estrea a tempada de eventos no seu local en Independencia, coa actuación do dúo La Buena Vida, formado por Lucía Alonso e o veterán guitarrista Alberto Regueira (Estéreoceano, Paracetamol).

La Buena Vida, formado en Vigo fai uns catro anos, é un dúo de música composto por guitarra e voz, cun repertorio cheo das mellores versións dos temas pop e rock nacionais e internacionais de todos os tempos.

Esta actuación será a primeira dunha serie de concertos que terán lugar durante todo o outono nos 3 locais de Leyenda Burger en Vigo. Baixo o título ‘Volta á orixe’, Leyenda plantea un ciclo de actos e concertos que reivindican o regreso á festa, a gozar da música, a celebrar a sobremesa e a divertirse arredor da mesa.

Domingo 23 ás 12:30