![REVISTA VERAN](https://amovida.gal/wp-content/uploads/2024/07/Bannerveran.gif)
Os filmes de José Gil, pioneiro do cine galego, volven proxectarse esta fin de semana
Detalles do eventos
Co proxecto ‘José Gil. Pontevedra, provincia de cine, na orixe do cinema‘, que desembarca o venres 27 e sábado 28 de outubro na cidade olívica,
Detalles do eventos
Co proxecto ‘José Gil. Pontevedra, provincia de cine, na orixe do cinema‘, que desembarca o venres 27 e sábado 28 de outubro na cidade olívica, quérese reparar o esquecemento sobre a vida e obra de José Gil, dalo a coñecer á veciñanza e á comunidade educativa da cidade que o viu medrar como cineasta, e poñer en valor o legado deste grande precursor cuxa obra atopa equivalencias na doutros pioneiros do cinema nos territorios periféricos da cinematografía mundial a comezos do século XX. Esta iniciativa é un proxecto de Vía Láctea Films, en colaboración con Cine na Rúa e a Editorial Galaxia, e financiado polo anterior goberno da Deputación de Pontevedra. Vigo é a parada número 24 da xira que comezou no mes de febreiro.
Venres 27 no Museo MARCO
Pola mañá – proxeccións para centros de ensino e visitas ao cinemóbil
19:00 a 20:30 h – proxeccións de balde para o público xeral
Sábado 28 no Centro Veciñal e Cultural de Valadares
19:00 a 20:00 h – Visitas guiadas ao cinemóbil e Manolo González presentará o libro ‘Nos días encantados de agosto’, biografía de José Gil logo de 30 anos de pesquisas na vida e a obra do iniciador da arte audiovisual en Galicia
20:00 a 21:30 h – Homenaxe da Unión Musical de Valadares a José Gil
José Gil naceu en Rubiós (As Neves) en 1870, mais foi en Vigo onde medrou a súa paixón pola fotografía e o cine, converténdose a gran cidade do sur de Galicia no epicentro das súas operacións profesionais e familiares dende 1904 ata 1923, e posteriormente dende 1927 a 1937.
Na Galicia daquel tempo, José Gil foi o primeiro e o máis persistente traballador e artista a prol dunha arte, a do nacente cinema, non comprendida totalmente. Director, operador de cámara, fotógrafo, produtor, exhibidor de cine… E isto a pesar da súa vida tráxica, tamén de película, marcada polas enormes dificultades e desgrazas que tivo que atravesar, e tirando a pesar diso sempre cara adiante.
Sen lugar a dubidas Vigo foi o epicentro das operacións profesionais e familiares do cineasta dende 1904 ata 1923 e posteriormente dende 1927 a 1937, polo que debería configurarse como lugar central do evento. En Vigo estiveron as sedes das empresas fotográficas, cinematográficas e automobilísticas que desenvolveu ao longo do tempo. ‘Fotografía y cinematografía Gil’ (1910-1918); ‘Galicia Film’ (1919-1920) e ‘Galicia Cinegráfica’ (1921-1935), ademais da representación da empresa automobilística Ford (1914-1920). As devanditas marcas cinematográficas están consideradas como as primeiras produtoras da historia do cine galego. Unha boa parte dos emprendedores vigueses apoiaron o labor do cineasta mediante filmes industriais dende as grandes consignatarias ata a construción naval e turística ou a Xunta de Obras do Porto; algúns dos filmes consérvanse aínda como ‘Talleres Alonarti’ (1928), a bobina do ‘Cinemovil reclame’ (1929) e ‘Cariño’ (1929).
Máis
Hora
27 outubro, 2023 19:00(GMT+02:00)
Hoxe móvese
Mes actualxullo
Séguenos nas redes