Inauguración exposición: 'ABRIR UNA PUERTA'

Nesta exposición que inauguramos en SVT Espazo de Arte, Ignacio Pérez-Jofre presenta unha das súas últimas e inéditas series, Abrir unha porta, na que prosegue coa súa particular investigación achega do obxecto atopado, centrándose, como en anteriores ocasións, en desvelar as calidades plásticas do obxecto cotián, do elemento arrumbado ou o útil refugado.

En palabras do propio autor: “Abrir unha porta describe, literalmente, o acto de virar sobre os seus goznes esa peza plana que separa dous espazos co obxecto de pasar dun a outro. Metaforicamente, abrir unha porta úsase no sentido de empezar un camiño, descubrir unha nova forma de facer. Nestas pezas, abrir unha porta adquire un novo e inesperado significado, que se superpón aos anteriores. Porque as portas están abertas dunha maneira pouco habitual, separei o ferro exterior, expoñendo á vista o interior oco e esa estrutura de cartón que dá unha relativa solidez, sen aumentar o seu peso, á porta. Son portas baratas, portas abandonadas na rúa, en contedores, restos de demolicións ou reformas.