I Aniversario O Lar das Artes

En setembro do ano pasado inaugurábase no balcón de Vigo, Matamá, O Lar das Artes; un espazo que se define como asador cultural, xa que alí se poden degustar exquisitas carnes ao estilo uruguaio namentres que desfrutamos dunha variada programación artística, con concertos e monólogos entre outros eventos. Detrás deste proxecto están Tincho Fernán e Nuria González, nomes con certo recoñecemento no panorama musical da nosa cidade.

O primeiro ano de vida deste recanto artístico celébrase cunha festa de aniversario sábado 10, a partir das 12:00 h, na que actúan a banda Mostrencos a charanga Vai de Baile e o mago Luca Riego.