GALICREQUES - MIRAGRES

Miragres é un espectáculo sobre as Cantigas de Santa María de Alfonso X representado por una compañía de moinantes con monicreques e música en directo.

Un total de once pezas, unha cantiga de loor, e dez milagres ou feitos extraordinarios, que acontecen con mediación divina de Santa María.

Por primeira vez contemplaremos a Santa María obrar os milagres da man dos monicreques cunha estética baseada nas magníficas miniaturas que acompañan ás cantigas nos libros orixinais.

Para conseguir un mellor seguimento das accións, as músicas foron arranxadas rebaixando os ornamentos e suprimindo retrousos, achegándoas aos romances populares.

Prezo:
– Venta online:
Entrada Xeral: 7€ + gastos de xestión
Bono Familiar: Tres ou máis membros da mesma familia (Entre 0 e 99 anos) 6€ + gastos de xestión
– En taquilla:
Entrada Xeral: 10€
Bono Familiar: Tres ou máis membros da mesma familia (Entre 0 e 99 anos) 8€

Idades recomendada: a partir de 12 anos

Duración: 50 min

Este espectáculo está dentro da programación da sexta edición do Festival Galicreques onde se presentan varias propostas e unha programación rica en técnicas, estilos, estéticas e argumentos con títeres de luva, novas tendencias, marionetas de fío, animación de obxectos, teatro de sombras… O calendario de espectáculos é o seguinte:

– Sábado 10 de outubro ás 18 horas: “O día em que a Morte sambou” Valeria&Habibi (Brasil)

– Domingo 11 de outubro ás 20 horas:  “No es el fin del huerto de Fermín” A lúa teatro (Salamanca)

– Venres 16 de outubro ás 21.30 horas: “Miragres” Spaguetti / Microminia / Bernardo (Galicia)

– Sábado 17 de outubro ás 21.30 horas: “Plastikus” Krisálida (Portugal)

– Domingo 18 de outubro ás 20.00 horas: “El hombre que plantaba árboles” Victor Biau (México-Aragón) Estrea Coprodución Galicreques 2020