Gala Solidaria 'Cada neno, un xoguete'
Detalles do eventos
Este domingo 5 de decembro, celebrarase unha gala solidaria no Auditorio de San Miguel de Oia (Vigo), que dará inicio á campaña ‘Cada neno, un xoguete’, cuxo obxectivo
Detalles do eventos
Este domingo 5 de decembro, celebrarase unha gala solidaria no Auditorio de San Miguel de Oia (Vigo), que dará inicio á campaña ‘Cada neno, un xoguete’, cuxo obxectivo é recadar xoguetes novos e usados para repartilos entre todos os nenos e nenas de Vigo que se atopan en situación de desamparo social.
O evento será presentado polas famosas comunicadoras Silvia Fominaya e Beatriz Janeiro, e contará co coñecido humorista e actor Sergio Pazos. Durante a gala, o trío musical formado por Mari Costa, Guillermo Castro e Leshka ofrecerannos un espectacular show de bachata e a Lexión 501 oficial de Star Wars de Spanish Garrison – Galicia Squad sorprenderannos cunha divertida exhibición. Tanto nenos como adultos poderán gozar dunha gala cargada de sorpresas e, sobre todo, de boas intencións, mentres contribúen a que ningún neno quede sen agasallo neste nadal.
O prezo da entrada é de 6 euros e pódese comprar na cantina de San Miguel de Oia, na Nave dos Xoguetes en Alcabre (fronte ao Mundo Pirata Park) e en Zapatería Moderna en Jenaro de la Fuente, 58 baixo (Vigo). Quen non se poida achegar a eses lugares antes da data, tamén pode adquirir a súa entrada na porta do auditorio o mesmo día da gala.
As persoas que asistan ao evento poderán levar xoguetes para a súa doazón o mesmo día da gala. Os xoguetes poden ser novos ou usados, a única condición é que estean en boas condicións para que os nenos poidan gozar deles.
A campaña ‘Cada neno, un xoguete’ estará activa ata o 23 de decembro. Quen queira doar xoguetes, tamén poderá facelo nos seguintes puntos de recollida:
- Centro Comercial Gran Vía de Vigo (Planta 0)
- A Bioclinica. Rúa Otero Pedrayo, 4 baixo
- Xestoría Areal. Rúa Areal 62
- A cantina de San Miguel de Oia. Av. San Miguel de Oia
- S. C.D. R. Helios de Bembrive
- Academia Vivar. Nazario González, 9
- Estanco Coruxo. Estrada do Vao, 82 baixo
- Ballerina centro de danza. María Berdiales, 36
- Asociación deportiva cultural Bombeiros Morrazo (Parque Bombeiros Morrazo, Polígono industrial Castiñeiras, 36, Bueu.)
- Xpress Mensaxeiros. Travesía de Vigo, 53, entresollado B
Os xestores desta iniciativa son as asociacións sen ánimo de lucro STOP e INICIATIVA LOCAL. Eles recollerán, desinfectarán e envolverán os xoguetes doados e entregaranos, na súa maioría, a diferentes asociacións locais para que os distribúan entre familias desfavorecidas. Os demais xoguetes quedarán no almacén central de Alcabre (Vigo) e serán entregados ás familias necesitadas que o soliciten.
Esta iniciativa naceu en 2009 e, desde entón, entregáronse máis de 40.000 xoguetes a familias necesitadas. Máis de 40.000 sorrisos de nenos e nenas ao ver que hai un agasallo debaixo da árbore de Nadal.
Máis
Hora
(Domingo) 20:00(GMT+01:00)
Localización
AV San Miguel de Oia
36390, Camiño Currás, 34, 36390 Oia, Pontevedra
Hoxe móvese
Mes actualabril
Séguenos nas redes