Festival Sonora 2.1: Laura LaMontagne & PicoAmperio

Dende o seu nacemento en 2005, o Festival Sonora trae cada ano ao Teatro Vidal Bolaño da Cidade Universitaria diferentes exemplos de novas propostas musicais. Nesta edición, rebautizada como Sonora 2.1, os protagonistas serán Laura LaMontagne e PicoAmperio, dúo que oscila entre a tradición galego-portuguesa das cantigas de amigo, ritmos electrónicos e ambientes íntimos. Neste caso, o espectáculo formúlase a modo de concerto hip hop, cun DJ Set e espazo para a intérprete. Será unha actuación na que se mesturarán voz, samplers, bases, scrath e loops en directo.

A entrada é de balde. Ante a actual situación sanitaria, para acudir ao concerto é necesario reservar a butaca enviando un correo electrónico a extensión@uvigo.gal ou a través do teléfono 986.813.626 ata as 13.00 horas do día da función.

Mércores 5 ás 18:00