banneraQUALIA
bannerCulturgal

20out19:00Festival KerouacFESTIVAIS E FEIRAS | Varios19:00 Galería Maraca

Festival Kerouac

A duodécima edición do Festival Kerouac celébrase do xoves 20 ao sábado 22 na Galería Maraca, El Corte Inglés e o Museo MARCO.

Xoves 20 19h – Galería Maraca: O festival arranca o xoves na Galería Maraca cos Poetryfighters viguesesa. O poeta e rapero Malvares, a artista multidisciplinar Lupita Hard e o poeta e tamén director do festival, Marcos de la Fuente, presentan a antoloxía bilingüe Poetryfighters, editada por Ultramarina.

Venres 21 19h – El Corte Inglés: Ao día seguinte o festival trasládase a sétima planta do Corte Inglés para un programa que inclúe música, performance, poesía cantada e recitada. Emma Gomis, poeta, ensaísta e tradutora, de nacionalidade catalá americana recitará en inglés, castelán e catalán. O poeta vigués Alberto Avendaño, membro do colectivo Rompente, acompañarase da virtuosa do arpa céltica Clara Piñeiro, para presentar o seu último traballo “Caosmos”, editado por Editorial Elvira. A poeta Iria Medraño, colaboradora habitual o grupo de rap en galego Rebeliom do Inframundo, transforma os seus poemas en cantigas, nunha renovación do xero popular galego que moderniza a proposta tradicional en contido e forma. A poeta emerxente, a viguesa Isolda Comesaña, unha das poetas galegas do s. XXI segundo o editor Carlos dá Aíra, será a encargada de abrir a noite, nun evento presentado por Marcos de la Fuente, que celebra os 25 anos da área Cultural do Corte Inglés.

Sábado 22 19h – Museo Marco: Este ano, a poeta neoiorquina Anne Waldman é a invitada de honra da XII edición do Festival Kerouac Vigo. As súas lecturas son un espectacular vendaval de enerxía, que mestura con música ou sons experimentais. Recitou con Ginsberg, Dylan ou Patti Smith. Activista Cultural, publicou máis de 40 libros e discos. Con 77 anos de idade, é unha dos últimas poetas beats que dá recitais en vivo. A poeta fará a súa performance este sábado no Museo Marco e estará acompañada por tres excelentes poetas deste lado do Atlántico: a performer Emma Gomis, colaboradora habitual de Anne, que vén desde a Universidade de Cambridge; a poeta galega, Premio Nacional de Poesía 2020, Olga Novo; e a poeta viguesa Graciela Baquero Ruibal. Un emocionante encontro de 4 mulleres poetas en 3 linguas: inglés, castelán e galego.

Todas as actividades son gratuítas excepto o recital do sábado no MARCO que as entradas teñen un prezo de 10€.

Máis

Hora

(Xoves) 19:00

Localización

Galería Maraca

Rúa do Doutor Cadaval, 12, bajo, 36202 Vigo, Pontevedra

X