Festa dos callos e dos socios

O domingo 16 o Centro Cultural de Beade celebra a XXIV Festa dos callos e dos socios, un evento que retorna tras a pandemia. Os visitantes degustarán da gastronomía típica destas datas a prezos populares, sendo as seguintes: 

1ª ración a 1€ para cada socio da AVCU de Beade.

Seguintes racións e non socios: 7€ con bebida e pan. 

A festividade dará comezo ás 11h e contará con música folk da man de Os Escaravellos e Folk de Coiro.

Así mesmo, a exposición Vivencias de Paco Santomé segue aberta ao público de luns a domingo en horario de 10h a 22h. Nos cadros están representados recoñecidos persoeiros galegos, vigueses e veciños da parroquia de Beade.