Exposición Pili Álvarez

A Morada acolle unha nova exposición da artista Pili Álvarez, que inaugurarase o mércores 23 de novembro ás 19:00.

Para Pili Álvarez pintar é unha acción catártica, un desafogo, a través da cor e da pincelada enérxica expresa as emocións que a atravesan. Aínda que lle gusta sentir que pinta para o goce das persoas que ven a súa obra, considérase un espíritu libre e así é como intenta vivir, a pesar das súas limitacións físicas, e así é como o transmite nos seus cadros.

A exposición poderase visitar do 23 de novembro ao 17 de decembro.