Exposición 50 anos de 25 de abril, poesia e política

Camões – Centro Cultural Português de Vigo e a I Cátedra Internacional José Saramago (Universidade de Vigo) organizan a exposición 50 Anos de Abril – Poesía e Política, que poderá verse no CCP – Vigo ata o 29 de maio.

A exposición inclúe carteis políticos orixinais das primeiras eleccións posteriores ao 25 de Abril e breve documentación sobre os principais partidos políticos da época, información histórica cronolóxica ofrecida polo Centro de Documentación 25 de Abril, portadas de xornais e revistas, ademais dunha Selección de 50 poemas sobre abril dispoñibles para levar.

Na inauguración, que será o día 25 ás 11.30 horas, asistirá o profesor Burghard Baltrusch (CJS/Uvigo) e alumnos e profesores de varios centros de secundaria que colaboraron nesta actividade.