Actividade que organiza a asociación querENDO (asociación de mulleres con endometriose de Galicia) e que consiste no faladoiro “Endometriose. A epidemia oculta” que impartirá Cristina Fernández Feijoo e que terá lugar o martes, 11 de outubro ás 19:30 h na Casa das Mulleres de Vigo (Rúa Romil, 20).

A endometriose afecta ao 10% das mulleres en idade fértil, polo que en Galicia habería unhas 60.000 mulleres afectadas por endometriose. A endometriose é unha doenza inflamatoria estróxeno-dependente de orixe descoñecida que varía dende poucas e pequenas lesións ata grandes endometriomas ováricos que causan unha severa distorsión da anatomía pélvica normal.