'EMOVERE'

O vindeiro domingo día 16 de xuño ás 19:30 hs no auditorio do Concello de Vigo (Praza do Rei), preséntase a peza de danza Emovere, un espectáculo que pon o foco nas emocións reflectindo o desenvolvemento das mesmas, en como nos afectan, mobilízannos, guíannos e arrástrannos.

Unha viaxe a través da comprensión e a xestión de cada unha delas. A alegría, a tristeza, a ira, o amor, a soidade, o medo ou a calma veranse reflectidas en escena por seis bailarinas e bailaríns: Alejandro Sierto, Helena Cuber, Vanesa Lea, Eva García, Álvaro Dei Pasquale e Carmen Gómez. Coreografiado e dirixido por Irene Fole.

Entrada libre con reserva.