DÍA MUNDIAL DO DOANTE

O Centro Comercial xestionado Travesía colabora un ano máis coa Axencia Galega de Sangue, Órganos e Tecidos, ADOS no Día Mundial do Doante de Sangue. Desta forma, o venres 14 de xuño o complexo prestará de novo o seu apoio

co fin de impulsar as doazóns de sangue entre clientes e empregados. Baixo o claim, “Doantes de película”, Travesía promoverá as doazóns habilitando un espazo no interior do recinto comercial, nun local dispoñible na planta baixa, en horario de 10:00 a 14:30 horas e de 15:30 a 21:00 horas o venres 14 de xuño, Día Mundial do Doante e o sábado 15 de xuño de 10:00 a 14:30 horas. Para o seu desenvolvemento, o centro garante todas as medidas e protocolos de seguridade, así como o control de aforo.

O local habilitado para a campaña de doazón será atendido por persoal de ADOS e contará cunha zona de espera, área de doazóns e zona de descanso. Todas as persoas que estean interesadas en doar non necesitan cita previa, atendendo a cada un dos doantes por orde de chegada.

O centro comercial Travesía regalará como agradecemento, a cada participante na campaña de doazón, unha invitación para trocar por unha entrada de cinema en Yelmo Travesía.