Día Internacional dos Museos: Presentación 'CARTAS EN TORNO A MANOLO MILLARES, PABLO PALAZUELO Y OTROS'

PRESENTACIÓN PUBLICACIÓN:
Cartas en torno a Manolo Millares y Pablo Palazuelo. Una correspondencia (2018-2022) entre Alfonso de la Torre y Joan Gómez Alemany [EdictOràlia]
Con proxección das videocreacións “Millares 1970”, de Manolo Millares, e “Millares 1972-2022”, de Joan Gómez Alemany
Presenta: Paco Yañez
Interveñen: Joan Gómez Alemany, Alfonso de la Torre, Josep Lluís Galiana
Data: xoves 18 de maio Horario: ás 19.00
Lugar: Galería A3, planta baixa
Para publico en xeral
Entrada libre e gratuíta ata completar capacidade
Este libro singular dentro da teoría da arte e a crítica literaria é o troito de mais de catro anos de traballo. Foi escrito conxuntamente por Altonso de la Torre (Madrid, 1960), quen é un dos críticos comisarios de arte máis reputados internacionalmente (grande especialista dos artistas Manolo Millares e Pablo Palazuelo, autor dos seus Catálogos Razoados) e Joan Gómez Alemany (Valencia, 1990), artista interdisciplinar de nova xeración (residente entre España e
Austria, cuxa música e traballos visuais presentaronse en prestixiosos festivais e museos por toda Europa).
Unha das peculiaridades do volume, dedicado principalmente aos pintores Manolo Millares (Las Palmas de Gran Canaria, 1926-Madrid, 1972), de quen en 2022 se cumpren 50 anos da súa morte, e Pablo Palazuelo (Madrid, 1915-2007), é como, en vez de recorrer a un formato académico, explicativo e pouco orixinal, se foi creando a partir dunha extensa e meditada correspondencia entre os seus autores.