Democracia cultural

O vindeiro xoves 29 de setembro, con motivo do Ano Europeo da Mocidade, a asociación cultural Anguitazz Big Band e a Oficina do Parlamento Europeo en España organizan a “Terraza Europa Vigo” para analizar as políticas culturais na Unión Europea así como a conexión dos mozos europeos coa cultura.

Para iso, contará coa participación do eurodeputado Ibán García do Blanco, do grupo de Socialists and Democrats Group in the European Parliament e da actriz, directora e dramaturga Esther Fernandez Carrodeguas. O evento estará moderado por Manuel Alejandro Vermello, presidente da asociación cultural Anguitazz Big Band.

O evento contará coa contribución da comunidade de: Conservatorio Superior de Música de Vigo, Escola Superior de Arte Dramática de Galicia, IES Audiovisual de Vigo e a Escola Superior de Música de Cataluña.