Dani Rovira "Vale la pena"

‘Vale la pena’ A frase é unha das que emprega o actor Dani Rovira para presentar o seu novo espectáculo, co que realizará unha estancia de tres días no Teatro Afundación, en Vigo, do 31 de maio ao 2 de xuño. Rovira volve a Vigo en clave de humor para falar de cousas moi serias. A sesión do venres 31 de maio será ás 20.30 horas. As da fin de semana, sábado e domingo, ás 18.30 horas. Hai días que apenas quedan entradas. As últimas dispoñibles poden ser adquiridas en Ataquilla.com.