Da intuición ao desenvolvemento científico tecnolóxico e a innovación

José Enrique Ares, Catedrático da Escola de Enxeñería Industrial da Universidade de Vigo na área de Enxeñería de Procesos de Fabricación, presenta unha nova proposta dentro das Xornadas de Comunicación do Museo Liste Etnográfico de Vigo, baixo o título: Da intuición ao desenvolvemento científico tecnolóxico e a innovación.

Convivimos con avances científicos e tecnolóxicos que xorden, con frecuencia e en curtos espazos de tempo, como nunca ocorreran na historia da humanidade, que conviven e se aplican con outras innovacións que xurdiron e se aplicaron grazas á intuición daqueles que querían obter unha funcionalidade para satisfacer unha necesidade; hoxe, poden ser susceptibles de estudo desde diferentes enfoques como son o etnográfico, o científico e o tecnolóxico.