Concerto secreto

Este verán volve o Ciclo de Concertos Secretos na Fundación Sales da man de Cervezas Alhambra. O mércores 25 de agosto ás 20 horas, a artista secreta será unha xoven compositora que camiña entre delicadas melodías indie/folk con tintes de jazz, blues ou pop.

Unhas horas antes do concerto reciben á artista na Fundación Sales e gravan unha serie de imaxes nas que se contarán algúns detalles sobre a proposta do artista a modo de presentación: quen é, que fai, cales son as súas influencias… Con estas imaxes montan un micro-documental que proxectan ao comezo do concerto. Así descubrirase a identidade da artista, ata ese momento, secreta.

As entradas, organizadas por mesas, teñen prezos variados, e van dende os 40€ aos 60€, dependendo do número de persoas que ocupen a mesa.