Concerto singular de Píscore

Con motivo da celebración do DÍA MUNDIAL DA INFANCIA, o 23 DE NOVEMBRO ás 12 h., Afundación convida o público a asistir ao espectáculo Concerto Singular, que está inserido no PROGRAMA CULTURA POR ALIMENTOS .

IMPORTANTE! O acceso ao concerto será mediante a doazón de alimentos infantís que irán destinados ao Banco de Alimentos.

O espectáculo

Que pasa cando convocas a catro grandes solistas para un só concerto? Catro prestixiosos músicos fronte a un gran conflito: 16 baquetas e unha soa marimba. Están dispostos a facelo soar da maneira máis orixinal e impactante. Organizarse xa non será tan fácil.

Píscore tráenos a mellor música e moito humor para un concerto único nunha proposta que se enmarca na liña de grandes espectáculos que mesturan o virtuosismo musical e os ritmos coa comedia gestual, o clown e a participación do público.

Reserva