Concerto de Nadal da UVigo: TOR

Nun ano marcado pola pandemia, o Concerto de Nadal da Universidade de Vigo celébrase de xeito totalmente virtual. Nesta ocasión a cita corre a cargo do grupo de folk galego TOR e será retransmitido en directo a través de UVigoTV, non só á comunidade universitaria da Universidade de Vigo, senón tamén do resto de universidades españolas e do conxunto da cidadanía en xeral.

TOR é un innovador proxecto cun repertorio composto, sobre todo, por popurrís ou sets de temas instrumentais tomados da tradición galega con especial atención aos gaiteiros e músicos do interior. O concerto que van ofrecer no salón de actos da Facultade de Ciencias Económicas e Empresariais e que será retransmitido en director por UVigoTv durará arredor dunha hora e nel interpretaranse algunha das pezas máis coñecidas deste grupo: Sobrado, Carolina, Repimpín, Tambores…