Club Faro: 'Concepción Arenal' con Anna Caballé

Anna Caballé, profesora de Literatura española e hispanoamericana da Universidade de Barcelona, falará de ‘Concepción Arenal (A paixón polo ben)’. Defensora dos dereitos da muller, da causa obreira e, moi especialmente, da necesidade dunha reforma penal que acabase co amontoamento e a inseguridade xurídica na que vivían os presos, Concepción Arenal (1820-1893) é a pensadora máis orixinal e lúcida do século XIX español. A pesar das limitacións ás que tivo que enfrontarse como muller cunha marcada vocación filosófica –nunha época aínda moi misógina–, desenvolveu un pensamento que segue sendo vixente nos seus postulados fundamentais.