setembro, 2021

20set20:30Cineclube Lumière: 'Abou Leila'ACTIVIDADES PARA O COCO | 6,00€20:30 Auditorio Municipal do Concello

Detalles do eventos

SETEMBRO   2021

“RETAZOS HISTÓRICOS: PEGADAS E PESADELOS”

A meirande parte da poboación vive ás costas das diferentes decisións políticas que veñen a modificar, moitas veces con intervencións militares, a vida da cidadanía. Asumimos de xeito inevitábel as repercusións que estas iniciativas teñen, con deceas de persoas afectadas e multitude de danos “colaterais”. As vítimas, indefensas, sumidas na incertidume, somos sempre as mesmas…

Neste ciclo viaxamos por varios países que amosan as pegadas e pesadelos de diferentes acontecimentos históricos, o seu desenvolvemento e percorrido máis ou menos recente.

6 SETEMBRO/ “Pequeno país”, baseado na novela autobiográfica do rapeiro francés Gaël Faye, nado en Burundi. O filme fala das tensións de Ruanda no 1993, que deron lugar ó xenocidio do 11% da a súa poboación na vaga de asasinatos que durou cen días. O relato é a través da ollada dun neno, emigrado a Francia con trece anos.

13 SETEMBRO/  “Ghosts”, debut da directora e vídeoartista turca con este fresco xeracional de 24 horas na vida de Estambul. A visión da complexa megalópolis en permanente mutación a través de catro personaxes, unha mestura de vida e pseudorrealidade onde os restos da vella cidade se resisten a deixar paso ós novos fenómenos do poder e a xentrificación.

20 SETEMBRO/  “Abou Leila”, ambientada na Alxeria do 1994 sumida na guerra civil, cando a violencia era algo cotiá. Co formato da road movie, reflicte o trasfondo político e o impacto social facendo unha especie de tratado simbólico existencialista sobre a violencia.

SINOPSE
Dous policias amigos dende a infancia viaxan polo deserto na busca de Abou Leila, un perigoso terrorista culpabel de numerosas mortes e prófugo da xustiza. Canto máis se adentran no deserto achergándose ó criminal, máis grande será a confrontación de violencia na que se verán envoltos.

Máis

Hora

(Luns) 20:30

Localización

Auditorio Municipal do Concello

Praza do Rei, 1, 36202 Vigo, Pontevedra

X