A Escola de Enxeñaría de Minas e Enerxía organiza por segundo ano un ciclo de cine que centra a ollada na presenza de mulleres científicas e tecnólogas na cinematografía. A actividade está patrocinada pola Unidade de Igualdade e o Consorcio Zona Franca. Baixo o título (In)visibilidade das mulleres STEAM proxectaranse tres películas e un documental no salón de actos do edificio do Consorcio Zona Franca na rúa Areal 46. 

Nesta derradeira sesión proxéctase Descifrando Enigma (The Imitation Game, Morten Tyldum, 2014).

Ás proxeccións, nas que participa como moderador o experto docente en cine Alfonso Castaño, pode asistir toda a comunidade universitaria e público en xeral.