Fogares con cor

Centro Comercial Travesía acollerá a nova exposición de carácter social Fogares con cor organizada pola Fundación da Santa Cruz.

A exposición Fogares con cor terá lugar desde o 15 de xullo ao 13 de setembro nun local da planta baixa do Centro Comercial Travesía de Vigo. O acto de inauguración tivo lugar este luns 15 de xullo ás 12:00. Contou coa presenza da Concelleira de Benestar Social do Concello de Vigo, Yolanda Aguiar, e coas responsables desta institución moi coñecida no barrio, Soledad Pomar; Responsable da Fundación da Santa Cruz en Galicia, e Mirian Sánchez; Coordinadora da área de Inclusión Social da Fundación.

Usuarios do centro de inclusión e do albergue, así como traballadores e educadores sociais da devandita entidade e 600 alumnos e alumnas desde 3 a 12 anos e profesores, de sete centros escolares de Teis e catro entidades do barrio , ademais da aula hospitalaria do Álvaro Cunqueiro, realizaron unha manualidade que consistía en armar e pintar unha casiña con cartón, facendo referencia ás persoas sen fogar que, moitas veces, utilizan este material para protexerse do frío na rúa.

A Fundación da Santa Cruz ten a súa sede en Teis e recentemente participou nunha acción de dinamización comunitaria “Embárriate Teis 2024: encontros nos patios” que foi amosada na Vía Verde o pasado 6 de xuño. Desde o Centro Comercial Travesía quixeron ampliar o percorrido da exposición aconlléndoa durante dous meses no Centro Comercial. A exposición forma parte do programa Travesía é barrio, Travesía é Teis, unha iniciativa coa que o CC Travesía quere participar activamente na vida social e cultural do barrio onde está situado, poñendo as súas instalacións a disposición de entidades que reralian un importante labor social.