Caspervek: 'Nanuk, o esquimó'

Caspervek, formación musical viguesa adicada a musicalizar clásicos do cinema mudo en directo, presenta un ciclo de tres cine-concertos en Vigo que desenvolverán durante os meses de Febreiro a Abril de 2022 na sala MUTA da cidade olívica.

O ciclo está composto por tres longametraxes que tratan de cubrir un amplo espectro temático, do documental ao drama, pasando pola comedia. As sesións inícianse o próximo día 12 de Febreiro coa proxección de “Nanuk, o esquimó”, obra pioneira de Robert Flaherty, considerado o primeiro documental da historia, no que se narran as aventuras dun inuit e a súa familia sobrevivindo na inhóspita península de Ungava, en Canadá.

Dobre quenda: 12:00 e 19:30