Caspervek: 'El hombre mosca'

‘El hombre mosca’ (1923), a obra mestra de Harold Lloyd cuxa escena escalando o edificio Brookman de Los Ángeles pasou á historia como o mellor do cinema mudo daqueles felices anos vinte, proxectarase en Vitruvia este próximo xoves 26 ás 20:30 coa música en directo dos integrantes do grupo Casperverk Brais González (piano e composición) e Laura Lorenzo (frauta). En 2023, cúmprense cen anos da súa estrea e en Vitruvia queremos celebralo ao grande antes de que o feliz aniversario desta película universal conclúa. Unha experiencia cinematográfica acrobática que combina comedia e suspense en mans dun home con lentes inxenuo e inocente que sempre sae adiante saltando de chiste en chiste e de malabarismo en malabarismo.