Carapuchiña Vermella

Un trepidante musical onde nenos e maiores acompañarán a Carapuchiña Vermella na gran aventura de levarlle á súa avoa unha cesta de merenda por un bosque cheo de sorpresas.

No camiño, Carapuchiña aprenderá a respectar o medio ambiente e os animais, bailará e cantará, pero tamén aprenderá os perigos de ignorar os consellos da súa nai.

Plácido, o xornalista do pobo, e o seu axudante Roi, serán os encargados de manternos informados de todo o que lle sucede á protagonista ata que chega a casa da súa avoa. E quen sabe, talvez neste conto apareza un lobo que queira comerse a Carapuchiña Vermella… Como terminará esta historia?

O domingo 16 de abril ás 12:00 e ás 17:00 horas no Teatro Salesianos. Entradas aquí.