CANTARES DO BRIÓN

O ano pasado organizamos unha actuación do coro “Cantares do Brión”, do Centro Cultural de Vincios,  e foi todo un éxito, polo que este ano, retomamos a iniciativa.

Cantares do Brión é un coro  con acompañamento instrumental, que defenden e difunden a música coral tradicional galega, cun repertorio con pandeiradas, foliadas, muiñeiras, alalás, etc.

Estarán con nós o próximo domingo 9 de xuño ás 12:00 h  baixo as árbores da Alameda Suárez Llanos de Bouzas.

Como vedes, planazo: escoitar e bailar coa actuación de Cantares do Brión e ir de vermut por Bouzas…. e (antes ou despois), non esquecer ir votar, que son as eleccións Europeas.

Agardámosvos.