Apache + Mürt

O vindeiro venres 1 de abril na sala Sinatra, festexarase unha noite de rock and roll a partir das 20:30h coa visita dos grupos vigueses Apache e Mürt.

Abanda creada na parroquia viguesa de Valladares en 2017, Apache, indaga na versión do rock and roll máis tradicional. Seguen os pasos de bandas como The Hellacopters ou Supersuckers.

Mürt é unha xoven banda de rock formada en Vigo no 2020. O grupo está formado polo vocalista e guitarra Marcos Martínez, o guitarrista Oscar Freire, o baterista Sergio Abreu e o Bixista Daniel Abreu. Contan co single ‘Roadtrip’ e actualmente están inmersos na grabación do seu primeiro EP.