Seguindo a dinámica de colaboración con outras institucións, neste caso coa Fundación Museo de Artes do Gravado á Estampa Dixital, o museo trae ás súas instalacións esta exposición temporal comisariada por Carlos L. Bernárdez e Xoán Pastor Rodríguez Santamaría, que se concibe como unha homenaxe ao artista Albino Fernández, fillo de galegos emigrados a América, considerado unha figura fundamental do gravado arxentino do século XX.

Nesta mostra poderemos ver gran parte dos gravados deste artista, algúns dos cales están relacionados co mundo do mar.

A mostra poderá visitarse TOTALMENTE GRATIS, do 15 de xullo ao 11 de setembro no horario de apertura habitual do museo