A igualdade na Axenda 2030

O teatro Vidal Bolaño acolle a Xornada A igualdade na Axenda 2030, coordinada polas investigadoras da Facultade de Ciencias Económicas e Empresariais Rocío Rodríguez e Pilar Piñeiro. O programa, que se prolongará ao longo de toda a mañá, inclúe as charlas A Responsabilidade Social e a igualdade, a cargo de Ana Rodríguez Vázquez, docente especializada en RSE e Economía Circular; Unha ferramenta para os plans de igualdade, de Yolanda Molares, socia directora do Instituto para o Crecemento Sostible da Empresa SL – ICSEM; e A igualdade de xénero na empresa galega. O índice IG, por Sonia Rodríguez e Belén Fdez-Feijóo, docentes da Universidade de Vigo e membros do grupo de traballo do IG.

Reserva aberta ata o 12 de outubro a través do correo rocio@uvigo.es