O 25 de Abril de Literatura Portuguesa

Camões – Centro Cultural Português de Vigo, no marco das celebracións do 50 aniversario do 25 de Abril, propón unha clase aberta, co profesor Daniel Ferreira, o 25 de Abril de Literatura Portuguesa.

O 25 de abril de 1974, comunmente coñecido como a Revolución dos Caraveis, constitúe un fito na historia contemporánea de Portugal. A transición dunha ditadura a un réxime democrático tivo un profundo impacto na sociedade portuguesa e este acontecemento, entre outras consecuencias, influíu en ámbitos como a literatura, a música e as artes visuais.

Na literatura portuguesa existen unha serie de obras que, desde múltiples perspectivas, reflicten a influencia deste período de cambios políticos e sociais ocorridos no país. António Lobo Antunes, Dulce Maria Cardoso, Isabela Figueiredo, José Cardoso Pires, José Saramago, Lídia Jorge, Maria Isabel Barreno, Maria Teresa Horta, Maria Velho da Costa, Natália Correia ou Sophia de Mello Breyner Andresen, entre outros escritores, son proba diso dos máis variados testemuños literarios sobre o antes e o despois da revolución.

Hoxe, 50 anos despois do 25 de abril de 1974, a literatura segue sendo unha poderosa ferramenta para comprender e preservar o legado de liberdade alcanzado hai medio século.