Presentación de 'Matamá, unha ollada ao pasado'

O vindeiro martes 17 de maio “Día das Letras Galegas”, ás 12h, no auditorio da Sociedade Atlántida de Matamá, Marcos Alonso Rodrigues (do colectivo Malaherba) xunto a Xulio Fernández Pintos, farán a presentación do seu traballo sobre a historia da parroquia de San Pedro de Matamá, resultado de máis dunha década de investigación, na que os autores recompilaron unha enorme cantidade de documentos e información relacionada coa parroquia nos distintos arquivos.

Ademais fixeron un rigoroso traballo de campo recollendo entre a veciñanza a tradición oral, a toponimia, fotografías antigas,…

O resultado de todo este traballo é unha completísima historiografía que abrangue dende a prehistoria ata o século XX, plasmada en dous libros baixo o título de Matamá, unha ollada ao pasado.