Experiencia Starlight

Este venres 4 de setembro pola noite, Navieira Mar de Ons poñerá rumbo a augas do Parque Nacional Marítimo-Terrestre das Illas Atlánticas de Galicia para que todos os interesados poidan vivir a bordo unha Experiencia Starlight. As Illas Cíes están certificadas como un dos catorce enclaves do mundo ‘Destino Turístico Starlight’ e contan con ‘Sello Observer’. Un guía astrónomo acompañará aos participantes e explicará as particularidades das diferentes constelacións que se poidan observar durante a travesía. Navieira Mar de Ons organizará unha saída desde o Porto de Cangas ás 22.00 horas e outra desde o de Vigo ás 22.30 horas, a duración total da actividade é de tres horas aproximadamente.