Presentación '4 OUBIÑA'

A través desta biografía en primeira persoa, Borja Oubiña narra a súa historia e moitas outras. Viviremos dende a súa pel, como foi o único `canteirán´ que logrou entrar no once do Eurocelta, o seu paso fugaz pola selección española, ás dez veces que pasou polo quirófano… Pero, ademais, da man de Borja, coñeceremos o mundo dos representantes, o potencial da liga de finais dos noventa e a dura resaca posterior, o negocio do fútbol ou a extrema esixencia física do deporte de elite.

Participan o exfutbolista Borja Oubiña, o autor e xornalista Iago Solleiro, o xornalista Armando Álvarez, o conselleiro do Celta José Manuel Amoedo e o editor Xabier Romero.