VIALIA
bannerPicnicSesions

Este domingo debuta Uxía Álvarez, a viguesa máis nova do Marisquiño

Publicado o por

Este domingo ás 16:00 no Marisquiño teremos a oportunidade de ver en directo á viguesa Uxía Álvarez, que con só 14 anos, vai competir na modalidade absoluto de MTB Downtown, o famoso descenso en bicicleta de montaña polas rúas do Casco Vello. Falamos con ela a dous días da proba máis importante da súa curta pero exitosa traxectoria. 

Foto de “O Marisquiño”
Uxía Álvarez nun descenso de montaña | Foto de José Domínguez

Como e cando te inicias neste deporte tan particular?

Eu empecei a andar en bici aos 5 anos, e a competir, polo que xa tiña unha base de ciclismo. Despois busquei un deporte que encaixase máis coa miña personalidade, e comecei [co ciclismo de montaña] fai 4 anos, aos 10.

É especial para ti a carreira do domingo ao ser en Vigo?

Claro, ademais é a primeira vez que compito aquí, sempre o miraba desde afora e parecíame impresionante esta carreira, pero agora a ver que sensacións teño aí dentro.

Que significa para ti poder participar nun evento deste tamaño?

Estou moi ilusionada porque non sei con que obstáculos voume atopar, e estou moi moi nerviosa porque compito contra rapazas de moi alto nivel como por exemplo Eva Castro ou Rosi Martínez. Estou moi moi ilusionada, a verdade.

Este é o teu primeiro ano como participante. Tes vido outros anos ao Marisquiño como espectadora? 

Si, e aínda que miraba outras probas, coa que máis tempo me quedaba era co descenso.

É un mundo difícil o da MTB? 

É un deporte bastante complicado, porque tes que depender de alguén, sobre todo económicamente. Necesitas a alguén que te esté a apoiar e que te poida levar aos sitios. As bicis non son precisamente baratas, e as proteccións e as viaxes tampouco. É moi complicado, necesitas moito apoio de familia e amigos.

Tes algún patrocinador que te axude?

O meu pai xa conseguiu algún para o clube, pero eu non teño. Tes que ser moi moi boa para ter patrocinadores neste deporte.

Que se sinte ao ser a deportista máis nova da proba? 

Síntome ilusionadísima porque ao ser a máis pequena compito contra xente moito maior que eu. Poden ensinarme, apoiarme… é unha sensación xenial.

Que te parece cun evento da magnitude do Marisquiño se celebre en Vigo tódolos anos?

REVISTA ABRIL

Eu creo que como O Marisquiño non hai nada no mundo. É un evento que trae moito turismo, a moitísima xente, que relaciona os diferentes deportes… É incrible.

Cales son os teus retos a corto e longo prazo?

Eu espero poder chegar ao máis alto deste deporte, pero sobre todo gozar e pasalo ben, e xa está.

The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.