Directos Vibra Mahou incorpora o talento local e feminino ao seu cartel

A artista franco-galega Mounqup e a coruñesa Lau súmanse ao cartel de concertos que Vibra Mahou anunciou para este outubro en Vigo e A Coruña. Sidonie, La La Love You e Veintiuno son os artistas que xa estaban confirmados na nosa cidade.

O ciclo Directos Vibra Mahou, que volverá facer vibrar a Galicia coa mellor música este mes de outubro, dá voz ao talento local emerxente coa incorporación de Lau e Mounqup ao cartel anunciado para Galicia. As novas promesas galegas compartirán escenario con bandas consagradas do territorio nacional neste ciclo de concertos impulsado por Vibra Mahou, a plataforma de música de Mahou Cinco Estrella que xera encontros en torno ao directo.
A cantante coruñesa LAU actuará o 15 de outubro no Hall Auditorio Mar de Vigo como teloneira de Sidonie. Pola súa banda, a artista franco-galega Mounqup súmase ao directo de Dorian na Coruña, que terá lugar o 22 de outubro no
Hall Proa de Palexco.
Ambas as actuacións están vinculadas á colaboración establecida entre Mahou, a Fundación Paideia Galiza e a Escola de Organización Industrial (EOI) co obxectivo de impulsar o emprendemento entre o talento musical emerxente.

Axenda completa Directos Vibra Mahou en Galicia:

 Venres 15 de outubro: Sidonie. Hall Auditorio Mar de Vigo. (Entradas esgotadas)
 Sábado 16 de outubro: La La Love You + Veintiuno. Hall Auditorio Mar de Vigo. (Entradas esgotadas)
 Venres 22 de outubro: Dorian. Hall Proa de Palexco, A Coruña. (Entradas esgotadas)
 Sábado 23 de outubro: Delaporte + dani. Hall Proa de Palexco, A Coruña. (Entradas esgotadas)