Caravanas teatrais e zancudos poetas para iniciar Vigocultura

Esta fin de semana comeza a programación de Vigocultura cunha serie de actividades na rúa Príncipe, sempre e cando a climatoloxía non o impida. Dúas caravanas que realizarán pases de microteatro e zancudos vestidos de época que susurran poemas ao oído son as primeiras propostas para esta nova temapada de teatro. Preme aquí para consultar o resto da programación ou visita a nosa axenda.

Os murmuradores facendo das súas na rúa

La Petite Caravane

Día de Galicia

Ambientado nos teatros de principios do século XX, este pequeno teatro pode albergar as máis variadas representacións: maxia, monicreques, teatro, curtametraxes. Trátase, posiblemente, do teatro máis pequeno que existe, e ademáis ten rodas. Apenas 25 persoas poderán gozar dunha inesquecible actuación única e irrepetible. Pode que estiveses nos mellores e máis importantes teatros do mundo, pero sen dúbida non nun coma este.

Canso de que o rexeiten en todos os teatros, o artista de variedades máis pequeno do mundo decide montar un teatro de seu, e non só o fai acorde coas súas medidas, senón que tamén lle pon rodas para levalo a todos os recunchos do mundo. Feliz de poder amosarnos as súas habilidades, este diminuto artista convídanos a somerxernos nunha atmosfera máxica confirmando, unha vez máis, que o bo vén en frascos pequenos. Sen dúbida ningunha, un espectáculo que xamais esquecerás.

PASES
Venres 31 de xaneiro: 19:00, 19:30, 20:00 e 20:30 h
Sábado 1 e domingo 2 de febreiro: 17:30, 18:00, 18:30, 19:00, 20:00 e 20:30 h.

Clavileño e hijxs

A caravana dos Clavileño foi convertida nunha atracción de feira. Mentres se desenvolve a atracción -unha cabina de 7D-, mestúranse a vida e as relacións desta familia un tanto disfuncional. Unha divertida comedia que pon de manifesto cómo se inocula o machismo case sen querer, sen decatarnos mediante os distintos comportamentos, esixencias e actitudes cos membros da familia.

PASES
Venres 31 de xaneiro: 19:00, 19:30, 20:00 e 20:30 h
Sábado 1 e domingo 2 de febreiro: 17:30, 18:00, 18:30, 19:00, 20:00 e 20:30 h.

Palabras por un tubo

Os Murmuradores (Les Soufflers), foron un grupo de artistas franceses que saíron ás rúas de París a murmurar poemas ao oído da xente. A través destes tubos de cartón, estes peculiares zancudos convidarán a deterse un intre para gozar da beleza das palabras, e transmitirán poesía e textos que se recitan ao oído, e como non… convidarán a toda a cidadanía a asistir á programación Vigocultura desta tempada.

PASES
Venres 31 de xaneiro: 18:30 e 19:45 h.
Sábado 1 e domingo 2 de febreiro: 17:00 e 19:15, h.

bannerAfundacion

31xan19:0020:30PEQUERRECHOS | De balde19:00 - 20:30 Príncipe

31xan19:0020:30PEQUERRECHOS | De balde19:00 - 20:30 Príncipe

31xan18:3019:45ESPECTÁCULOS | De balde18:30 - 19:45 Príncipe

Compartir
X