bannerTerraCeo
bannerArmadinhaRock

Benjamin Clementine, Pablo López e Yann Tiersen entre as citas musicais ineludibles de 2018

Por Tamara Novoa

Comezan a chegar as primeiras confirmacións de concertos para este novo ano. Entre as actuacións máis destacadas están ao do cantante londiniense Benjamin Clementine dentro do festival Super Bock Under Fest, o coach de La Voz Pablo López, fará dobrete na cidade e Yann Tiersen, de gran sona mundial por ser o compositor da banda sonora do filme Amélie, actuará en Vigo oito anos despois do seu último concerto en Galicia.

O Auditorio Mar de Vigo anuncia unha tempada chea de espectáculos. Unha das primeiras en pasar polo auditorio da cidade é a cantante cordobesa India Martínez, na súa xira Secreto, o vindeiro día 26 de xaneiro.

Super Bock estrea festival en Vigo
O mes de marzo merece ser marcado en vermello, pois vén ben cargado de eventos. Pastora Soler (2 de marzo), Sés (9 de marzo), Yann Tiersen (14 de marzo) e Luz Casal (17 de marzo) son as citas que o Mar de Vigo xa ten pechadas para este mes. Coa primavera desembarca na cidade un novo festival: o Super Bock Under Fest, que se celebrará do 23 ao 24 de marzo en dez salas da cidade e no que participarán máis de 20 bandas. Polo momento só se coñece o seu cabeza de cartel, o británico Benjamin Clementine, que mostrará perante o público vigués o seu ambicioso último traballo I Tell a Fly, unha auto-produción na que dá unha visión moi persoal.

Pola outra banda, o festival SON Estrella Galicia só fará unha parada na cidade, e será en La Iguana Club, o día 24. Josele Santiago, a voz de Los Enemigos, presentará o seu quinto traballo en solitario, Transilvania.

La Fábrica de Chocolate Club inaugura o ano cunha axenda non-stop de música ao vivo. Entre os moitos artistas que pasarán por unha das salas con máis solera da noite viguesa, destacan os galegos Eladio y los Seres Queridos e Dakidarría que actuarán, respectivamente, o 2 e o 15 de marzo. O ex-Pereza Rubén Pozo pasará polo local de Churruca o 14 de abril.

Banner A Movidiña

O 15 de marzo o grupo leonés Café Quijano celebrará no Teatro García Barbón o vixésimo aniversario do seu debut discográfico. Un show que repasará os grandes éxitos dos irmáns Quijano.

Primeiras confirmacións estivais
Á espera de que o alcalde Abel Caballero, anuncie os concertos de Castrelos, dos que asegurou que “sorprenderán”, xa temos as primeiras confirmacións estivais. Sergio Dalma recalará na cidade olívica o 1 de xuño e o xa citado Pablo López vén de anunciar unha segunda data en Vigo, o 9 de xuño, tras esgotar as entradas do devandito concerto no Auditorio Mar de Vigo.

Os festivais da contorna comezan a anunciar datas e a dar algunha pista sobre os seus carteis. PortAmérica, que repetirá na carballeira de Caldas de Reis entre o 5 e 7 de xullo, contará coa participación de Izal, La Pegatina e Viva Suecia, entre outros. SonRías Baixas volverá a Bueu entre o 2 e o 4 de agosto. O festival Vive Nigrán, debutante do ano pasado, xa anunciou que se volverá celebrar o 19 e o 20 de xullo e o Atlantic Fest colle a remuda na Illa de Arousa do 20 ao 22 dese mesmo mes.

Missing Event Data
Missing Event Data
Missing Event Data
Missing Event Data
Missing Event Data
Missing Event Data
Missing Event Data
X