As tapas que poderás degustar no Mercado de Sabores
A Movida xa estivo no Mercado de Sabores e probou os 14 petiscos que compiten por facerse co galardón á mellor tapa. A continuación podes atopar unha pequena descrición de cada unha das propostas e a nosa valoración.
Esta fin de semana a alta gastronomía dáse cita na Estación Marítima grazas ao Mercado de Sabores de Mahou. Os asistentes ao evento poderán degustar as catorce tapas propostas polos restaurantes que participan no certame. Outro dos atractivos do evento son os showcooking a cargo de recoñecidos chefs, algúns deles Estrela Michelín, e as actuacións musicais. O acceso ao festival é de balde e cada petisco ten un prezo de 2,5€.
Onte A Movida acudiu ao Mercado de Sabores, aquí vos deixamos un pouco de información sobre cada unha das tapas e a nosa valoración.
La Carpintería: ‘Broockling de Mahou negra y foie’
Brownie de cervexa negra de Mahou sobre un caramelo de regaliz acompañado de mousse de foie e unha ramiña de eneldo. Pode interpretarse como un entrante doce ou un sobremesa salgado.
Valoración:
Restaurante:La Carpintería, Vigo |
Adega das Caldas: ‘Taco de panceta afumada, lagostinos y chipotle’
Trátase dun taco mexicano á galega. A tortilla está feita de millo corvo, un millo autóctono de aquí. A panceta é de porco alimentado con selecta afúmase e co coiro fan uns crocantes. Leva un mollo de lagostinos e unha salsiña picante de chipote, cebola, lima, tomate e cilantro.
Valoración:
Restaurante:Adega das Caldas, Ourense |
Mijo: ‘Pompa de gambón’
Unha tapa baseada nun lagostino macerado en leite de coco e cítricos, montado sobre un cruxiente de merengue que case non proporciona sabor pero que si achega un punto doce que vai moi ben co langostino. Tres puntos de escuma de mango e maracuiá, uns brotes de cilantro que aportan moito sabor e unhas perlas de laranxa.
Valoración:
Restaurante:Mijo, Vigo |
Patouro: ‘Otra cosa’
Costela de porco ibérico desosada, estufada en achote e laranxa vai envolto en masa filo con cebola morada enriba, xeado de cebola, brote de mandarina e flor de borraxa.
Valoración:
Restaurante:Patouro, Vigo |
Manolo Mañanita: ‘Canelón, con dos dedos de espuma… por favor!’
O título fai un guiño ás cañas e a súa crema. Trátase dun canelón recheo de cordeiro, vaca e porco cociñado con soja, anises, cítricos, xenxibre, a escuma é unha falsa bechamel, con matices tostados. Todo elo sobre un hoxaldre e areas de noz moscada.
Valoración:
Restaurante:Manolo Mañanita, Cangas |
A Horta do Obradoiro: ‘Costela lacada con mel de Galicia’
Sobre unha base de patata cun pouquiño de curry e cúrcuma a costela feita ao baleiro a baixa temperatura e lacada cunha salsa kétchup, mel e bourbon. Leva un un pouco de cebola fritida e un brote.
Valoración:
Restaurante:A Horta do Obradoiro, Santiago de Compostela |
Albatros: ‘Vaca-lao’
Pel de bacallau secada e fritida para que quede cruxiente. Ao elaborar a brandada de bacallau substitúese parte do aceite oliva por graxa de terneira para que quede máis untuosa a brandada. Pola parte de abaixo leva confitura de pemento vermello asado e para rematar por enriba leva caviar de pemento vermello e coroando uns brotes, wasabi, mostaza e rabanito. Unha mestura de brotes cun toque picante, xa que a brandada foi cociñada sen guindilla.
Valoración:
Restaurante:Albatro, Vigo |
La Pintxoteca: ‘Mariscada’
Esta tapa é a representación dunha batea. A batea está feita con pasta wanton, a cor do verdín conséguese con alga codium e salinidade coa quisquilla seca e salgada. Acompañada de dúas xelatinas, a primeira elaborada con mexillón moi carnosa e outra xelatina máis aguada feita de berberecho. Mousse de erizo de mar de Cangas, berberecho, gamba, caviar cítrico (unha froita de Nova Zelanza) e mertensia que é a chamada folla ostra. A batea vai acompañada dun pan de centola en forma de esponxa. Recoméndase ir comendo a batea ao tempo que se acompaña co pan.
Valoración:
Restaurante:La Pintxoteca, Vigo |
Regato: ‘Gofre de atún’
Gofre de trigo serraceno con tapenade de olivas negras e sardiña afumada, guacamole de yuzu que é un cítrico xaponés medio mandarina medio limón, atún afumado, coco de katxubusi que é un atún seco y afumado e un cruxiente de alga wakame.
Valoración:
Restaurante:Regato, Redondela |
María Manuela: ‘Vacataki’
A tapa simula un óso dunha vaca cortado en sección. O óso faise con pan semi picante, o tuétano é unha crema de queixo do Cebreiro e patata, leva unha gota de mango, un fondo escuro de guiso de vaca, verduriñas pochadas e coroando solomillo de vaca marinado durante 48 horas.
Valoración:
Restaurante:María Manuela, Vigo |
La Consentida: ‘Vieira consentida sobre crujiente de maiz’
Sobre unha galleta de pan de millo, bechamel con cebola confitada en aceite de oliva, lagostinos, sal, azafrán e viño branco. Enriba a vieira sopleteada, o cruxiente de xamón, xelatina de Albariño do Rosal e o millo tostado.
Valoración:
Restaurante:La Consentida, Vigo |
Barrabasada: ‘Taco líquido de mejillón’
Desconstrucción dun taco mexicano. A base é unha crema de millo doce con zume de lima, leva mexillóns da ría cocidos ao vapor para que manteñan o sabor, cebola morada acompañada de cilantro, un espolvoreado de dous tipos de maiciños e unha pizca de picante.
Valoración:
Restaurante:Barrabasada, Vigo |
El Mosquito: ‘Bombón de centolla’
Bombón feito de chocolate branco recheo de centolo e albahaca.
Valoración:
Restaurante:El Mosquito, Vigo |
Peculiar: ‘Gin-fizz de manzana ácida con queso del país y anchoas’
Filipino de queixo do país recuberto de chocolate branco e unha anchoa. Acompañado dunha cullerada de Gin-fizz que é unha xelatina de mazá ácida. Primeiro debe comerse o filipino dunha sola vez porque o queixo de dentro é moi brando e fresquiño e ao rematar tómase a cullerada de Gin-fizz.
Valoración:
Restaurante:Peculiar, A Coruña |