Mensaxe de Galicia Squad, asociación de customing apaixoada de Star Wars que realiza actividades benéficas sen ánimo de lucro:

De 5 a 8 da tarde, aproveitando o acendido das luces de Nadal de Vigo, inauguraremos a “bóla” (nome secreto: Estrela da Morte) e queremos convidarvos a todos os que poidades a que nos acompañedes cos vosos traxes de star wars, máscaras, espadas láser, camisetas, zapatillas ou o que teñades a man, vide pasar a tarde connosco e moita máis xente afeccionada á saga!

Tamén aproveitaremos para dar a coñecer o labor que realizan os mozos de Cada neno, un xoguete, que celebran o seu décimo aniversario recollendo xoguetes para os nenos mais necesitados.

O Nadal máis espectacular de Vigo arrincará o vindeiro sábado 23 de novembro ás 20.30 horas en Porta do Sol.

O alcalde, Abel Caballero, accionará o interruptor nunha celebración na que haberá luz, música, fogos artificiais e, probablemente, máis sorpresas.

Ante a masiva afluencia de persoas prevista esa serán, o Concello instalará pantallas xigantes para poder seguir o evento en: Príncipe con Velázquez Moreno; Policarpo Sanz (fronte ao teatro García Barbón); Rosalía de Castro con Serafín Avendaño; Colón con García Barbón; Farol de Urzáiz; Urzáiz con Lepanto e con República Arxentina.

As 21.30 o epicentro da festa trasladarase á rúa Progreso (entre María Berdiales e Doutor Cadaval) onde inaugurarase a decoración e as luces natalicias adicadas a película Frozen 2 e coas que Disney desembarcou na nosa cidade.

Despois do éxito do ano pasado, volve o Nadal Bus con máis parazas dispoñibles. Nesta ocasión haberá tres autobuses, un deles para datas sinaladas como os fins de semana ou vísperas de festivos.

O primeiro autobús arrancará este domingo 24 de novembro ás 18.30 horas de Policarpo Sanz.

Polo momento descoñécense as rutas e os horarios que terá o Nadal Bus este ano, aínda que todo apunta a que sexan similares as do ano pasado. O prezo seguirá a ser reducido para aqueles usuarios que dispoñan da Pass Vigo e haberá a posibilidade reservar billetes por Internte, para evitar as colas que se producía o pasado ano xunto á parada.

As rutas do ano pasado: (sen confirmar para este ano)

Ruta 1: 18.30 horas: Policarpo Sanz-Urzáiz-Gran Vía-Praza España-Pizarro-Jenaro de la Fuente-Aragón-Travesía de Vigo-Sanjurjo Badía-García Barbón-Areal-Praza Compostela-Reconquista-Policarpo Sanz

Ruta 2: 19.30 horas: Policarpo Sanz-Urzáiz-Gran Vía-Praza España-Avda. Castrelos-Portanet-Val Miñor-M.Castro-Florida-Praza América-Camelias-Venezuela/Gran Vía-Areal-República Argentina-Praza Compostela-
Reconquista-Policarpo Sanz

Ruta 3: 20.30 horas: Policarpo Sanz-Urzáiz-Gran Vía-Praza España-Praza América-Castelao-Tomás Paredes-Camilo Veiga-Bouzas-Tomás Alonso-Torrecedeira-Cánovas del Castillo-Carral-Pontevedra-Areal-Praza Compostela-República Argentina-Policarpo Sanz.

Os nenos ata os 3 anos viaxarán gratuitamente.