CAMELIAS MASCOTAS

Novidades musicais viguesas de abril e maio

Publicado o por

Continuamos coa nosa recompilación de novidades musicais de Vigo e contorna dos meses de abril e maio.

Rebeliom do Inframundo con Fillas de Cassandra | G. Montenegro

VIMBIO

Xa o decía no tema despedida de SonDaRúa: “Era de metal, non de rap”. Agora, un ano despóis da despedida oficial do grupo, Alex Arnoso estréa proxecto de metal, sen deixar de lado ó rap. En Vimbio, Alex soubo rodearse de veteráns da escena do metal galega, con xente de grupos locais como Gravesen ou Martillo que garantizan un potente directo. Vimbio rescata a esencia do metal alternativo dos 90 e os 2000, acompañándoo sempre do característico flow de Alex. ‘Insisto’ é o seu primeiro tema.

ISIUS

‘Sertraline’ é o primeiro adianto do novo disco de Isius que, como se pode ver no vídeo, foi gravado nos míticos estudios londinenses de Abbey Road. Neste cuarto álbum presentan o seu novo concepto de música; máis cañero, con máis guitarras e con temas máis curtos que non superan os dous minutos de duración.

ÁLEX CASSEN

Álex Cassen presenta YO NO, o segundo adianto do seu EP debut. Nesta ocasión, o artista sorpréndenos cun corte pop cheo de sons épicos e melodías pegadizas. Álex Cassen canta sobre o desamor nunha canción que desborda intensidade e dramatismo, deixando claro todo o que non faría.

BROKEN PEACH

A banda viguesa máis mediática en redes sociais vén de publicar o seu primeir disco, Welcome to Brokenland. Trátase dun dobre CD de cancións propias, gravadas tanto en inglés como en castelán. O último sinxelo foi ‘Dancefloor’. Preme aquí para escoitar o disco enteiro.

REBELIOM DO INFRAMUNDO ft. FILLAS DE CASSANDRA

Rebeliom do Inframundo e Fillas de Cassandra veñen de asinar a súa primeira colaboración, ‘Contra vento e marea’. O tema preséntase como un arrebatador, cómplice e fascinante xogo de contrastes entre dúas formacións esenciais na actual escena da música galega. O sinxelo demostra que a confluencia entre as dúas bandas que agromaron en Vigo é natural, enriquecedora e proveitosa para a música do país.

MODULADORES

Moduladores é unha banda formada por vellos coñecidos da escena viguesa: Javier Soto (ex Siniestro Total) á guitarra, Nico Rodriguez (Mad Martin trio) á batería, Pablo Muñiz (ex Camarada Nimoy) ao baixo e Paulo Pascual (Camarada Nimoy, Modulador de Ondas) á guitarra, theremin e teclados. ‘Volcánica’ é o primeiro adianto do seu disco debut.

OLA DE CALOR

Ola de Calor é unha banda emerxente nacida en Tui no verán de 2002 que vén de sacar o seu primeiro sinxelo ‘Chica de provincia’. Formada por catro rapaces de vinte anos que habitualmente tocaban versións nos bares e salas da comarca, lánzanse agora neste proxecto de publicar música propia que levan preparando estes anos.

DIEGO ALONSO

O saxofonista e compositor vigués Diego Alonso lidera Nihil, un proxecto de jazz que desenvolve xunto a Pablo Patiño ao contrabaixo, Antón Quintela á batería, Xan Campos ao piano e Virxilio da Silva á guitarra eléctrica . Nihil é un álbum con seis composicións orixinais acompañado de seis ilustracións de Pablo Patiño Moledo. Buscan financiamento mediante un crowdfunding na plataforma Goteo.

VÉRTEBRAS

O dúo de hip hop vigués Vértebras, formado por Ika Subversiva e Amari, publicou en marzo o seu primeiro disco, 42 gramos. Fronte aos discursos baleiros e á predominante analoxía en canto a sonoridades que semella impoñerse na escena musical máis manistream, Vértebras postulan no seu debut un disco de hip hop explícito, reflexivo e impregnado de rabia e conciencia no conceptual, á vez que excitante, desprexuízado e poliédrico no musical. Escoita aquí o disco completo.

MANU G. SANZ

Flores y diosas é o primeiro disco en solitario de Manu G. Sainz, exmebro de bandas como Selvática e Indómitos. Podes escoitar o disco completo premendo aquí.

FON ROMÁN

Último single do seu novo proxecto En Blanco, que leva por título ‘X’, antes da saída do disco completo, o próximo mes de maio: “É a canción que máis me emociona do disco, e probablemente a parte máis delicada do poema ‘Blanco’ de Octavio Paz”.”, di Román. Acompáñana uns visuais que, do mesmo xeito que para as outras cancións do disco, foron realizados por Studio Fai, seguindo as indicacións, en canto a formas e cores, marcadas polo propio Octavio Paz cando tivo a idea de presentar o poema ‘Blanco’ en vivo.

LITUS FT. IVÁN FERREIRO

‘Fobofobia’ é a canción máis escura do repertorio de Litus, coñecido por ser a voz da banda de Late Motiv. Nesta ocasión está acompañado pola Orquestra de Cámara Terrassa 48 e por Iván Ferreiro.

PABLO MANDÓ

Nova canción de Pablo Mandó, membro de Cool Cucumbers e The Parguels.

SANTI ARAÚJO

Canciones para bailar é o novo disco de Santi Araújo. Un traballo que se define a si mesmo no título, cun estilo diferente máis alegre e desenfadado que o do seu predecesor. Preme aquí para escoitar o disco completo.

CARLANGAS Y LOS CUBATAS

Un ritmo endiablado é o que nos traen Carlangas y los Cubatas, banda formada polo exlider de Novedades Carminha e o grupo local Mundo Prestigio, que pola súa parte veñen de sacar o seu primeiro disco hai un mes.

YOUCANTHIDE

A comezos de abril publicouse Guerra, o segundo disco de Youcanthide, banda formada por Kaixo e Kings of the Beach que mestura metal, hardcore e rap nunha letras cargadas de rabia e forza. A portada é obra do noso colaborador Juan Teixeira. Preme aquí para escoitar o disco completo.

DANI STOYKA

O músico local Dani Stoyka publica o EP de tres cancións Death’s Good Taste.

JUAN CASTRO

O cantautor Juan Castro, o que foi líder da banda Maldito Murphy, publica o segundo tema do seu proxecto en solitario: ‘Cuando ya no queda nada de lo que huír’.

EL ÚLTIMO CICLISTA

Novo adianto do novo disco de El Último Ciclista, que ten prevista a súa saída a finais deste ano.

STONED AT POMPEII

REVISTA NOVEMBRO

A banda de rock viguesa presenta ‘My Tale with You’, un novo adianto de Blissphony, o seu segundo álbum que verá a luz o 11 de outubro. Esta nova canción mostra a nova liña na que se está a mover a banda na actualidade, máis orientada ao rock alternativo e coa inclusión de instrumentos de vento ou teclados.

JAUNX

O artista vigués Jaunx debuta con OIKEIOSIS, un EP de cinco temas nos que mestura a música urbana co pop e músicas latinas como a bachata ou o reguetón.

The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.